انگلیسده و وئلزده ۲۰۲۵جی ایلده دوغان کؤرپهلر اوچون سئیچیلن آدلارلا باغلی آچیقلانان رسمی آمارا گؤره، «محمد» آردیجیل اوچونجو ایلدیر کی، اوغلان آدلاری آراسیندا بیرینجی یئرده قرارلاشیب. «نوح» ایکینجی، «لئو» ایسه اوچونجو پلهده یئر آلیب.
قیز آدلاری آراسیندا ایسه «اولیویا» آردیجیل اونونجو ایلدیر اَن پاپیولَر آد اولاراق بیرینجیلییینی قورویور. بو ایل «لیلی» ایکینجی یئره یوکسهلیب، کئچن ایل ایکینجی سیرادا اولان «آمیلیا» ایسه اوچونجو پلهیه ائنیب.
کؤرپه آدلاری اوزره اختصاصلاشمیش Nameberry سایتینین متخصصی کلر گرین بیلدیریب کی، «اولیویا» و «محمد» آدلارینین سیاههنین باشیندا قالماسی گؤزلهنیلن بیر حالدیر. اونون سؤزلرینه گؤره، بیر آد محبوب اولدوقدان سونرا، عادتن اوزون ایللر بویونجا اؤز مۆوقئیینی قورویور. والدینلر او آدی داها چوخ ائشیتدیکجه، اونا ماراق آرتیر و سئچیلمه احتمالی دا یوکسهلیر.
معلوماتا گؤره، بؤیوک بریتانیادا تقریبن ۴ میلیون مسلمان یاشاییر و اونلار اؤلکه اهالیسینین تقریبن ۶ فائیزینی تشکیل ائدیر. رسمی آمارلار گؤستریر کی، ۲۰۱۱–۲۰۲۱جی ایللر آراسیندا انگیلتَره و وئلزده اهالی آرتیمینین تقریبن ۳۲ فائیزی مسلمان ایجماسینین پایینا دوشوب.
«محمد» آدی انگلیسده یئنهدن بیرینجی اولدو
«محمد» اوچونجو ایلدیر کی، انگلیسده و وئلزده دوغان اوغلان اوشاقلاری اوچون اَن چوخ سئیچیلن آد اولوب. ۲۰۲۵جی ایلین رسمی آمارینا گؤره، «اولیویا» دا قیز آدلاری آراسیندا اونونجو ایل آردیجیل بیرینجی یئرده قالیب.
